बलिउड अभिनेत्री सोनम कपुर आमा बन्दैछिन् । उनले पति आनन्द आहुजासँगको केही तस्बिरहरू इन्स्टाग्राममा सेयर गर्दै उनले गर्भवती रहेको जानकारी दिएकी हुन् ।

सोनमले यो तस्वीर सेयर गर्दै लेखेकी छन्, ‘चार हात, जो जतिसक्दो राम्रो तरीकाले तपाईंको पालनपोषण गर्न सकुँ, यो दिल तपाईंकै लागि धड्किरहेछ । एक परिवार जसले तपाईंलाई माया र सहयोग दिन्छ । हामी तपाईंको आगमनको प्रतीक्षा गरिरहेका छौं ।’

सोनम कपूर र आनन्द आहुजाले मे २०१८ मा विवाह गरेका थिए। उनी अभिनेता अनिल कपूर र सुनिता कपूरकी जेठी छोरी हुन्। बिहेदेखि नै सोनमले धेरै पटक गर्भधारणको हल्लाको खण्डन गर्नु परेको थियो ।