चलचित्र ‘चिसो मान्छे’को टिजर सार्वजनिक भएको छ । शुक्रवार सार्वजनिक भएको १ मिनेट १५ सेकेन्ड लामो टिजरमा अभिनेता अर्पण थापा र अभिनेत्री स्वस्तिमा खड्का फिचर्ड छन् । टिजरमा स्वस्तिमाको कर्णाली भेगको भिन्न लुक्स निकै आकर्षक देखिएको छ ।
चलचित्रमा स्वस्तिमा र अर्पणका अलावा देशभक्त खनाल, आशान्त शर्मा, झकेन बीसी, प्रभाकर न्यौपाने, रामबाबु रेग्मी, संजोग रसाइली, पुष्पा अवस्ती, सृष्टि आचार्य, विकास खनाललगायतको पनि अभिनय रहेको छ । चलचित्रले मानिसहरुमा देखिएको नैराश्यताको कथा भन्नेछ । चलचित्रको छायांकन सुदूरपश्चिमका विभिन्न भेगमा भएको हो ।
‘आमा’ निर्मात्री शर्मिला पाण्डेको एकल लगानीमा निर्माण भएको चलचित्रमा ‘पशुपति प्रसाद’ फेम्ड निर्देशक दीपेन्द्र के. खनालको निर्देशन रहेको छ । चलचित्रको कथा, पटकथा, संवाद र छायांकन दीपेन्द्र के. खनाल आफैंको हो । चलचित्रलाई दीर्घ खड्काले सम्पादन गरेका हुन् ।
