‘ए मेरो हजुर ४’मा समावेश जी-बब नामले चर्चित र्यापर सुदीप भण्डारीले गाएको गीत ‘भाग भाग न दे अब धेरै धाक’ नेपालमा युट्युब ट्रेन्डिङको शीर्ष स्थानमा पुग्न सफल भएको छ । सार्वजनिक भएको केही घण्टामै उक्त गीत युट्युब ट्रेन्डिङको शीर्ष स्थानमा पुगेको हो । गीतको शब्द र संगीत स्वयं जी-बबकै छ । हुक लाइन लिरिक्स सुरेन्द्र गुरुङ हाकिमको छ । रामजी लामिछानको कोरियोग्राफी रहेको गीतको भिडियोमा जी-बबसहित चलचित्रका प्रमुख कलाकारहरु सुहाना थापा, अनमोल केसी, नीराजन प्रधान फिचर्ड छन् । एएनटीएफ गायन प्रतिस्पर्धाबाट चर्चामा आएका ‘मिलेन लेभल तेरो’ गीतका गायक जी-बब सामाजिक सञ्जालमा भाइरल छन् ।
सुनिल कुमार थापा प्रोडक्शनको ब्यानरमा बनेको यो चलचित्रलाई झरना थापाले निर्देशन गरेकी हुन् । बैशाख १ गतेबाट प्रदर्शनमा आउने तयारीमा रहेको ‘ए मेरो हजुर ४’ मा अनमोल र सुहाना संगै सलोन बस्नेत, सुशान्त खत्रीको पनि मुख्य भूमिका रहेको छ । चलचित्रमा बसन्त सापकोटा, आशिष अविरल, प्रतिक पौडेल, कल्याण सिंहको संगीत, संजय लामाको छायांकन, कविराज गहतराज र रामजी लामिछानेको कोरियोग्राफी, हिमाल केसीको एक्सन, मित्र डी गुरुङको सम्पादन छ ।
हेर्नुहोस् गीतः
