अभिनेत्री पूजा शर्मा र अभिनेता आकाश श्रेष्ठको प्रमुख भूमिका रहेको चलचित्र ‘सम्झना-बिर्सना’ को ट्रेलर सार्वजनिक भएको छ । सोमवार सार्वजनिक भएको ट्रेलरमा आकाश र पूजा बीचको प्रेमलाई देखाइएको छ । निमेष प्रधानको निर्देशित चलचित्रको तीन मिनेट चार सेकेन्ड लामो ट्रेलरमा कमेडी, रोमान्स, सेन्टिमेन्टस् तथा सस्पेन्सको समीश्रण प्रस्तुत गरिएको छ ।
दर्शकहरुले औधि मन पराएको पूजा र आकाशको जोडीलाई दर्शकले एउटै चलचित्रमा हेर्न नपाएको धेरै भएको छ । अधिकांश दर्शकले उनीहरुलाई सँगै भएको हेर्न चाहेका छन् । सोही सन्दर्भमा केही दिनअघि सार्वजनीक यो चलचित्रको ‘परेलीमा’ बोलको गीतले पनि दर्शक स्रोताको मन जितिरहेको छ । ट्रेलरले त फ्यानहरुमा अझै खुशीयाली ल्याउने बिश्वास निर्माण पक्षको छ । पछिल्लो समय उनीहरु बीच सम्बन्ध चिसिएको हल्ला चलीरहेको छ । ट्रेलरमा पनि पूजा र आकाशबीचको सम्बन्धमा असमझदारी भएको झलक देखाइएको छ,जुन कुरा उनीहरुको वास्तविक जीवनसँग मेल खान गएको छ । तर,कतिपयले भने ‘सम्झना-बिर्सना’ ले यी दुईको पुनः मिलाप गराउने अनुमान समेत गरेका छन् ।
०७९ को जेठ ६ गते प्रदर्शन हुने चलचित्रको प्रस्तुतकर्ता अद्वितीय प्रधान हुन भने निर्मातामा रेबिका प्रधान छिन् । आरआर फिल्मस्ले बितरण गर्ने चलचित्रमा पूजा र आकाशका साथमा सुनील थापा,शिसिर राणा, छुल्ठिम गुरुङलगायतका कलाकारले अभिनय गरेका छन् । दार्जिलिङ,सिल्गुढी तथा सिक्कीमका रमणीय स्थानमा खिचिएको चलचित्रको कथा र पटकथा निर्देशक निमेषकै हो भने सम्वाद लेखनमा उनलाई शिसिर राणाले साथ दिएका छन् ।
आदित्य फिल्म्स्को प्रस्तुति रहेको ‘सम्झना बिर्सना’ शिब ढकालले खिचेका हुन भने सम्पादन तारा थापा ‘किम्भे’ ले गरेका छन् । चलचित्रका गीतमा राजन इशान, सुदर्शन तामाङ र निर्देशक निमेषकै संगीत छ । कमल राईको कोरियोग्राफी रहेको चलचित्रको प्रोडक्शन राम कार्की र कृष्ण प्रधानले सम्हालेका छन् । चलचित्रको ट्रेलर छिट्टै सार्वजनीक गरिने जानकारी निर्देशक निमेषले दिएका छन् ।
