माधवराज खरेलको निर्देशनमा बनेको चलचित्र ‘चिट्ठी’को छायाङ्कन सकिएको छ । एरा प्रोडक्सनको ब्यानरमा निर्माण भएको यो चलचित्रमा सञ्जित भण्डारी, कमेडी च्याम्पियनका सेकेन्ड रनर्सअप खड्गबहादुर पुनमगर खवपु, गोपाल ढकाल छन्दे, नबुजंग थापा, मुस्कान लामा, प्रवन भुषाल, कञ्चन चालिसेका साथै शान्तिप्रिय, श्रीदेव भट्टराई, नम्रता खरेल पौडेल, मोहन निरौला, रश्मि भट्ट, उद्धव भट्टराई, कृष्ण भट्टराई, डेविलसिंह राजपुत, राजन थापा, पुरुषोत्तम सानु, पूर्ण राई, राजु कार्की, रन्जु गुरुङ, मुना निरौला, कविन्द्र त्रिपाठी लगायतका कलाकारको अभिनय रहेको छ ।
जीवन पराजुलीको छायाङ्कन रहेको चलचित्र काठमाडौं, काभ्रपलाञ्चोक, ललितपुर लगायतका जिल्लाका विभिन्न रमणीयस्थल छायाङ्कन भएको छ । कमेडी जनरामा बनेको यो चलचित्रमा केही सस्पेन्स र थ्रिलरसमेत रहेको छ ।
