विकासराज आचार्यको निर्देशन रहेको चलचित्र ‘नाई नभन्नु ल ४’ बाट अभिनेत्री आँचल शर्मा चलचित्र क्षेत्रमा प्रवेश गरेकी हुन् । अब भने आँचलले ‘नाइँ नभन्नु ल ६’ गर्दैछिन् । यसैक्रममा उक्त चलचित्रमा मुख्य अभिनेता पनि फाइनल भैसकेको छ । निर्देशक आचार्यले चलचित्रको मुख्य भूमिकाका लागि आशीर्वाद क्षेत्रीलाई अनुबन्ध गरेका छन्। उनले यसै चलचित्रबाट अभिनयमा डेब्यु गर्न लागेका हुन् । चलचित्रमा आशीर्वाद र आँचलको जोडी बाँधिनेछ । विकासराज आचार्य र सामिप्यराज तिमल्सिनाको कथा रहेको चलचित्रको भदौबाट छायांकनमा जाने तयारी रहेको छ ।