चलचित्र ‘प्रेमगञ्ज’को आइटम गीत सार्वजनिक भएको छ । मंगलबार सार्वजनिक गरिएको ‘तरबार’ बोलको गीतमा भएको छ । दीक्षा थापा र सुरज शाही ठकुरीले स्वर रहेको छ। भने, किरण भुसालको संगीत र पुरुषोत्तम ढुंगेलको शब्द रहेको छ । गीतमा चलचित्रकी मुख्य अभिनेत्री बेनिशा हमाललाई प्रस्तुत गरिएको छ । गीतमा उनको हट अवतार र बोल्ड नृत्य देख्न सकिन्छ । उनले पहिलो पटक आइटम गीतमा नृत्य गरेकी हुन् ।

आगामी भदौ ३ गतेबाट प्रदर्शनमा आउने तयारीमा रहेको चलचित्र भारतमा पनि प्रदर्शन हुने छ । ‘प्रेमगन्ज’ नेपाल र भारतमा एकसाथ प्रदर्शन हुने छ । परिच्छेद सेनको निर्देशनमा बनेको चलचित्रमा तेज गिरि, बेनिशा हमाल, सम्पदा बानियाँ, राईडर प्रशान्त, सुप्रिया खनाल, सिम्रन खड्काको अभिनय रहेको छ । चलचित्र चौतारीले निर्माण गरेको चलचित्रको कार्यकारी निर्माता अनन्तमान श्रेष्ठ हुन् भने प्रस्तुतकर्ता राजु फुयाँल हुन् । प्रेमकथामा आधारित चलचित्रको कथा निर्देशक सेनले नै लेखेका हुन् । ‘प्रेमगञ्ज’ को काभ्रेको देउराली, सोलुखुम्बुको पत्ताले, काठमाडौँ तथा भक्तपुरको नाला र पनौतीमा छायांकन भएको हो । कोरोना महामारीका बीच ७० दिन खिचिएको चलचित्रको २ करोड लगानी भएको बताइएको छ ।