‘मिस नेपाल’बाट चर्चा आएकी मोडल नीति शाह चलचित्र ‘एक्स नाइन’मा अनुबन्धित भएकी छन् । शुक्रबार निर्माता तथा निर्देशक मुकुन्द भट्टसँग उनको लिखित सहमति भएको छ । चलचित्रमा नीतिको जोडी अनमोलसँगै बाँधिने छ ।
उनले १० लाख रुपैयाँ पारिश्रमिमा चलचित्र साइन गरेको जनाइएको छ । मल्टिस्टारर चलचित्रमा नायक अनमोल केसी शिर्ष भूमिकामा देखिदैछन् । साथमा, सौगात मल्ल, पुष्प खड्का, राज कटुवाल लगायतका कलाकारको अभिनय चलचित्रमा रहनेछ ।
क्यानडा, यूरोप र नेपालमा छायाँकन हुने बताइएको चलचित्रको कथा निर्देशक भट्ट र किंग योगीले तयार पारेका हुन् । गोल्डेन हिल्स पिक्चरको प्रस्तुतिमा निर्माण हुने चलचित्र निर्माण अगाडि नै कलाकारको कारणले चर्चा छ । मुख्य कलाकार तय भइसके पनि चलचित्रको कहिलेदेखि छायांकन सुरु हुने भने टुंगो भने छैन । नेपालकै पहिलो ठूलो एक्सन चलचित्र भनिएको यो चलचित्रलाई महंगो बजेटमा बनाउन लागिएको छ ।
