प्रेमकथानक चलचित्र ‘हिड्दा हिड्दै’ को प्रदर्शन मिति घोषणा गरिएको छ । सोमवार फर्स्टलुक पोस्ट सार्वजनिक गर्दै आगामी माघ २० गतेलाई चलचित्रको प्रदर्शन मिति तोकिएको छ । चलचित्रको पोस्टरमा अभिनेता आकाश श्रेष्ठ र अभिनेत्री रेखा शाहलाई रोमान्टिक अवतारमा प्रस्तुत छन् ।
सुशील पंगेनीको लेखन र निर्माण रहेको चलचित्रको गत महिना छायांकन समापन भएको थियो । मिलन आले मगर निर्देशित चलचित्रमा सलोन बस्नेत, सानीया खान, बिमल श्रेष्ठ, बिशाल श्रेष्ठ, बिकास थापा मगर, ममता पौडेल, साथमा बालकलाकार अर्विन थिङ्गका पनि मुख्य भूमिकामा छन् । रेखा शाहको यो डेब्यू चलचित्र हो ।
नारायण सुशील पंगेनी इन्टरटेन्मेन्ट र बिमल श्रेष्ठको प्रस्तुति रहेको चलचित्रको निर्मातामा राजकुमार थिङ्ग र केबी सुब्बा छन् । प्रमोदकुमार तामाङ र महादेव साह सहनिर्माता रहेको चलचित्र लीलामान तण्डुकारले खिचेका हुन् ।
चलचित्रका गीतमा तारा प्रकाश लिम्बू र किरण माइकल घिमीरेको संगीत, कबिराज गहतराज र सुरेन्द्र बसेलको कोरियोग्राफी र देव महर्जनको द्धन्द्ध निर्देशन छ । आरआर फिल्मस्ले बितरण गर्ने चलचित्र मनोरञ्जनले भरपुर रहेको दावी निर्देशक आलेको छ ।
