ज्ञानेन्द्र देउजाको निर्देशित चलचित्र ‘झिँगेदाउ’को ट्रेलर सार्वजनिक भएको छ । ट्रेलरमा चलचित्रका मुख्य कलाकार केकी अधिकारी, आँचल शर्मा, मुकुन भुसाल, कुशल विष्ट, हिउँवाला गौतम लगायत फिचर्ड छन् । चलचित्रमा केकी र आँचल जेठानी देवरानी र मुकुन र कुशल दाजुभाइको भूमिकामा छन् ।
पारिवारिक कथा बोकेको चलचित्रको ट्रेलरमा विवाह भएपछि दुई मिल्ने दाजु-भाईबीच श्रीमतीका कारण झगडा, आमासँग मनमुटाव, जेठानी र देवरानीबीच हुने झगडा प्रस्तुत गरिएको छ । आगामी भदौ १७ गतेबाट प्रदर्शनमा आउने चलचित्रमा केकी र आँचलले पहिलो पटक एकसाथ काम गरेका हुन् ।
कपनगडी सिनेमा र फिल्म क्रियु नेपालको ब्यानरमा निर्माण भएको चलचित्र भिमनिधि तिवारीको कथा ‘झिँगेदाउ’मा आधारित रहेको छ । प्रदीप भारद्वाजको पटकथा तथा सम्वाद लेखेको चलचित्रमा अर्जुन पोखरेलको संगीत, बिष्णु घिमिरेको छायांकन, मित्र डि गुरुङको सम्पादन छ । सुलभ प्रतिक देउजा र समीक्षा देउजा निर्माता रहेको ‘झिँगेदाउ’को सह-निर्मातामा सुशिल दाहाल र ईश्वर घिमिरे छन् ।
