गायक दिनेश गौतमको स्वरमा ‘जुनकिरी’ बोलको गीत सार्वजनिक भएको छ । दिनेश गौतमको अफिसियल युटुब च्यानलमा सार्वजनिक गरिएको गीतमा राम कुमार इलानको शब्द र जोसेफ शाही ठकुरीको संगीत छ। एस के बच्चनले गीतको एरेन्ज गरेका छन् ।
गीतमा छोरा–बुहारी धन कमाउँन लागेपछि बृद्ध बुवाको मनमा आउँने भावलाई प्रस्तुत गरिएको छ । सार्वजनिक भिडियोमा सुरेन्द्र केसी (मुलाको साग), सारदा गिरी, बिष्णु सापकोटा, राम चन्द्र अधिकारी, निशा खातुन, अमित ठाकुर र कृष्ण कान्त ठाकुरको अभिनय रहेको छ । भिडियोका निर्देशक प्रिन्स डेइनिल हुन् । गीतको अडियो र भिडियो दुबै बलियो रहेको छ । रबिन्द्र बरालको छायांकन रहेको भिडियोलाई टेक बहादुर शाहीले सम्पादन गरेका हुन् । सार्वजनिक भिडियो ‘जुनकिरी’ लाई राम चन्द्र गौतमले निर्माण गरेका छन् ।
