नेपाल भाषाको चलचित्र ‘लाखे आजु’को फष्टलुक पोस्टर सार्वजनिक भएको छ । शुक्रबार परेको इन्द्रजात्राको अवसर पारेर निर्माण युनिटले चलचित्रका पोष्टर सार्वजनिक गरेको हो । पोस्टरमा लाखे र चलचित्रका मुख्य कलाकार सोहित मानन्धर र अशिस्मा नकर्मी प्रधान अटाएका छन् ।
बिके फिल्मस्को ब्यानरमा निर्माण भएको चलचित्र आर्यम नकर्मीले निर्देशन गरेका हुन् । गोपाल काजी कायस्थ, प्रदीप कुमार उदय, नरेन्द्र महर्जन, आशिष्मा नकर्मी प्रधान र दीपक श्रेष्ठ चलचित्रका निर्माता हुन् । चलचित्रको चाँडै प्रदर्शन मिति घोषणा हुनेछ ।
नेपाल भाषाको पौराणिक कथा उठान गरेको चलचित्रमा मदनदास श्रेष्ठ, सविन शाक्य, नगीना जोशी, गणेश राम लाछी, राजेन्द्रमान शाक्य, अन्नपुर्णेश्वरी श्रेष्ठ लगायतका कलाकारको अभिनय छ । चलचित्रमा बरिष्ठ हास्य कलाकार तथा अभिनेता मदनकृष्ण श्रेष्ठले विशेष भुमिकामा अभिनय गरेका छन् ।
‘लाखे आजु’मा सुशन प्रजापति र दिपेन बस्न्यातको छायांकन, मनराज नकर्मीका संगीत, भुवन श्रेष्ठको डान्स कोरियोग्राफी, दुर्गालाल श्रेष्ठ, भिम बहादुर नकर्मी र निर्देशक आर्यम नकर्मीको गीत रहेको छ ।
