अभिनेता पुष्प खड्का र अभिनेत्री साम्राज्ञी राज्यलक्ष्मी शाहको प्रमुख भूमिका रहेको चलचित्र ‘तिम्रो मेरो साथ’ले युनिभर्सल प्रमाणपत्र प्राप्त गरेको छ । चलचित्रलाई सोमबार सेन्सर बोर्डले सबै उमेरका दर्शकले हेर्न मिल्ने गरी ‘यू सर्टिफिकेट’ दिएको छ । आगामी पुष २९ बाट अर्थात् शुक्रबारदेखि प्रदर्शनमा आउन लागेको चलचित्र निर्माता रमेश एमके पौडेल निर्देशकीय डेव्यु चलचित्र हो ।
चलचित्रमा पुष्प र साम्राज्ञीको अलावा सन्दिप क्षेत्री, इमिली लामा, सरोज खनाल, दिपिशा केसी, खड्क बहादुर पुन खबपु लगायतको मूख्य भूमिका रहेको छ । चलचित्रमा निर्देशक पौडेल स्वंयमको कथा, गीत र लगानी रहेको छ । साम्राज्ञी र पुष्पको ‘मारुनी’पछि यो दोस्रो सहकार्य हो ।
सबिर श्रेष्ठ र बाबुराम निरौलाको स्क्रिप्टमा निर्माण चलचित्रमा शिव ढकालको छायांकन, सुवाष भुषाल/योगेश काजीको संगीत, रामजी लामिछानेको कोरियोग्राफी र भुपेन्द्र अधिकारीको सम्पादन रहेको छ । सबिर श्रेष्ठको लेखन तथा कार्यकारी निर्माण रहेको चलचित्रमा पासाङ लामा, अर्नव पौडेल र आर्यन पौडेलको लगानी रहेको छ । चलचित्रको सहनिर्मातामा नीरु भण्डारी, अशोक पोखरेल, सुमन पौडेल र सुधिर पराजुली रहेका छन् ।
