अभिनेत्री करिश्मा मानन्धरले आफ्नो नाम जोडेर अन्तर्वार्ता दिँदै चरित्रहत्या गरेको भन्दै डिल्लीराम खनालविरुद्ध नेपाल प्रहरीको साइबर ब्युरोमा उजुरी दिएकी छन् । डिल्लीराम खनालले पूर्व गृहमन्त्री तथा राष्ट्रिय स्वतन्त्र पार्टीका अध्यक्ष रवि लामिछानेसँग आफ्नो नाम जोडेर भ्रमपूर्ण अभिव्यक्ति दिएपछि करिश्माले उनीविरुद्ध साइबर ब्यूरोमा उजुरी दिएकी हुन् । मंगलबार साइबर ब्यूरोमा आफूले खनालविरुद्ध उजुरी दिएको उनले फेसबुकमार्फत् जनाएकी छन् ।
खनालले बोलेको भिडियो शेयर गर्दै उनले लेखेकी छन्, ‘उहाँ को हो ? यो अत्ति भयो । भैहाल्यो भने । कलाकारलाई यस्तै भन्छन् भने सहेँ, सहेँ । हिजो साइबर ब्यूरोमा निवेदन हालेको छु । हेरुँ नेपालको कानुन कत्तिको बलियो छ । प्रेम दाई भन्नुस म कसरी बसेको थिएँ ? लिभिङ टुगेदरमा ? म हिन्दू हुँ । यो विचारलाई विश्वास नगर्ने व्यक्ति हुँ । यो अति भयो । म मेरो संसारमा खुसी छु ।’
