सञ्चारकर्मी समेत रहेका रामजी ज्ञवालीको लेखन तथा निर्देशन रहेको सर्ट फिल्म ‘आराध्या’ सार्वजनिक गरिएको छ । ‘आराध्या’ मा ब्यस्त परिवारभित्र हुर्किरहेका बच्चाले बाबु आमाबाट पर्याप्त रेखदेख नपाउँदा उत्पन्न हुने मनोभावलाई देखाइएको छ ।
सर्ट फिल्ममा अभिनेता आमिर गौतमले बुवाको र अभिनेत्री सुरविना कार्कीले आमाको अभिनय गरेका छन् भने बाल कलाकार द्रोस्टी शाहले छोरीको भूमिकामा अभिनय गरेकी छिन् । त्यसैगरी सफु बुढाथोकी, नारायण कंडेल, प्रान्जल पौडेल, सृष्टि भुषाल लगायतका कलाकारको अभिनय पनि सर्ट फिल्ममा देख्न सकिन्छ ।
चलचित्रमा समाबेश एउटा बाल गीतमा आरसी शाहले आवाज दिएकी छन् । विशाल निरौलाको म्युजिक एरेन्जमा तयार उक्त गीतका गीतकार भने पत्रकार जिवन भण्डारी हुन् । ज्ञवालीले ‘एक लभर’, ‘डार्क मुन’, ‘हनिमुन’, ‘लकडाउन’ लगायतका एक दर्जन सर्ट चलचित्र निर्देशन गरिसकेका छन् । ‘आराध्या’ लगत्तै अर्को सर्ट चलचित्रको तयारीमा लाग्ने ज्ञवाली बताउँछन् ।
