गत फागुन १९ बाट देशव्यापी प्रदर्शन भएको चलचित्र ‘छक्कापञ्जा ४’बिहीबार (आज) देखि मध्यपूर्वका विभिन्न देशहरुका ५० बढी पर्दामा एकसाथ रिलिज भएको छ । नेपफिल्म्स कम्पनीले कतार, यूएई, बहराईन र ओमनमा फिल्म प्रदर्शन गरेको छ भने साउदी अरेबिया र कुवेतमा केही दिनमा प्रदर्शन हुने छ ।
हेमराज विसी निर्देशित चलचित्रले अहिले घरेलु बक्स अफिसमा आक्रामक कमाई गरिरहेको छ । चलचित्रमा दीपकराज गिरी, दीपाश्री निरौला, बेनिशा हमाल, निर्मल शर्मा, बुद्धि तामाङ, राज आचार्य, बेदना राई, सुष्मा निरौला, लगायतका कलाकारहरको अभिनय रहेको छ। चलचित्रलाई दिपेन्द्र खाँनिया र केशव न्यौपानेले मिलेर निर्माण गरेका हुन् ।
