सागर लम्साल ‘बले’ र झरना राईको अभिनय रहेको नयाँ गीत सार्वजनिक भएको छ । ‘पर्छकी पिर’ बोलको गीतमा गायक पवन रानाभाट र गायिका जुनु रिजालको स्वर रहेको छ । सो गीतको शब्द रचना शर्मा जि ‘प्युठान’ले गरेका हुन् । गीतमा संगीत गायक भट्कै रहेको छ भने एरेन्ज र मिक्सिङ पनि उनी स्वयंले गरेका हुन् ।
बले इन्टरटेनमेन्टको प्रस्तुति र तौवा क्रिएसनको सहकार्यमा शुक्रबार सार्वजनिक भएको ‘पर्छकी पिर’ म्युजिक भिडियो ‘बले इन्टरटेनमेन्ट’को युट्युब च्यानलमा उपलब्ध छ । प्रेम भाव बोकेको गीतमा सागर र झरनाले प्रेमिल जोडीको भूमिका निभाएका छन् र उनको जोडी निकै सुहाएको छ । गीतको अडियो पनि निकै राम्रो रहेको छ । भिडियोलाई शान थापाले निर्देशन गरेका हुन् ।
भिडियो हेर्नुहोस् :
