नेपाली चलचित्र ‘रावायण’को टिजर सार्वजनिक भएको छ । भदौ २१ गतेबाट रिलिज हुने चलचित्र आज काठमाडौंमा एक कार्यक्रम गर्दै टिजर सार्वजनिक गरिएको हो ।चलचित्रको टिजरमा नायक पल शाहको एक्सनलाई प्राथमिकता दिइएको छ । दाह्री र जुँगाको गेटअपमा देखिएका पलले खलपात्रसँग गरेको द्वन्द्वलाई टिजरमा प्राथमिकता दिइएको छ । उनको चलचित्रमा दोहोरो भूमिका छ । तराई क्षेत्रमा हुने हिंसात्मक गतिविधिलाई फिल्मले कथावस्तु बनाएको देखिन्छ ।

रावायण’का निर्देशक सुदर्शन थापा हुन् । सुदर्शन थापा प्रोडक्शन र पूजा शर्मा प्रोडक्शनको संयुक्त व्यानरमा बनेको चलचित्रकी निर्मात्री पूजा शर्मा हुन् । चलचित्रमा सुशन पाठक कार्यकारी निर्माता छन् । यसमा पलको जोडी अभिनेत्री पूजासँग बाँधिएको छ । प्रियंका कार्की, निकिता चण्डक (पूर्व मिस नेपाल), प्रमोद अग्रहरी, प्रकाश शाह, कैलाश रावल, अर्जुनजंग शाही, शर्मिला मल्ल लगायतको पनि फिल्ममा अभिनय छ ।
चलचित्रमा शिवम अधिकारीको लेखन, प्रदीप श्रीवास्तवको पटकथा, सौरभ लामाको छायांकन, मिलन श्रेष्ठको सम्पादन, निरज सिंह, रेवन आरती सिंहको संगीत, नकासा अजिज, कुनाल गान्जावाला, सोनु कक्करको स्वर, डा । कृष्णहरि बराल र प्रदीप श्रीवास्तवको शब्द, विक्रम स्वार र रामजी लामिछानेको कोरियोग्राफी छ ।