निर्देशक दिवाकर भट्टराईले निर्देशन गर्न लागेको चलचित्र ‘नरसिंहाः अवतार’ मा कलाकारहरुको रोचक लाइनअप तयार हुने क्रम जारी छ।यसको निर्माणपक्षले चलचित्रक लागि अहिलेसम्म तीनजना मुख्य पात्रहरु फाइनल गरेको हो ।एक्सन तथा सोसल ड्रामामा बन्ने यो चलचित्रको शीर्षमध्ये एक भूमिकामा दीपा शाही र सरोज खनाल अनुबन्धित भएका छन् ।
निर्माणपक्ष र उनीहरुबीच लिखित सम्झौता भइसकेको छ । निर्माणपक्षले यो चलचित्रमा दीपा र सरोजको कस्तो भूमिका छ भन्ने विषयमा भने केही पनि खुलाइएको छैन ।यही चलचित्रबाट ८ वर्षपछि महानायक राजेश हमाल कमक्याक गर्दैछन् । आठ वर्ष भन्दा धेरै समय पछि हमाल फिल्ममा फर्किने खबरले यतिबेला नेपाली फिल्मवृत तताएको छ । यो फिल्म उनीसँगै दर्शक दुवैका लागि विशेष हुने पक्का छ । जस कारण यो फिल्म प्रतिक्षित बन्ने निश्चित छ ।
क्याप्टेनपछि दिवाकरको चलचित्रमा सरोजले अभिनय गर्न लागेका हुन् । चलचित्रमा हमाल पछि यसअघि नै निती शाह, सनिशा भट्टराई अनुबन्धित भइसकेकी छन् ।सनिशाको यो दोस्रो चलचित्र हो । उनको डेब्यू अभिनय रहेको चलचित्र १२ गाउँ फूलपातीमा रिलिज हुँदैछ । क्रिएटिभ सिने आर्टको प्रस्तुति रहने चलचित्र यही भदौबाट छायाङ्कनमा जाने तयारीमा रहेको छ । चलचित्रको लगानी तीन करोडभन्दा माथि हुने बताइएको छ ।
निर्देशक भट्टराईको अर्को चलचित्र ‘मायावी’ प्रदर्शनको तयारीमा छ ।
