गायक अर्जुन पोख्रेल र गायिका सुजाता केसीको स्वर रहेको नयाँ गीत सार्वजनिक भएको छ । द डिभाइन म्युजिकको अफिसियल युट्युब च्यानल मार्फत ‘बाजा बजाउदै’ बोलको म्युजिक भिडियो सार्वजनिक गरिएको हो । लोक राज अधिकारीको शब्द रहेको गीतमा सङ्गीत गायक अर्जुन पोख्रेलको रहेको छ भने गीतलाई अर्जुन पोख्रेलले नै एरेन्ज गरेका हुन् ।
काजिश श्रेष्ठले कोरियोग्राफी र निर्देशन गरेको गीतको भिडियोमा सागर लम्साल ‘बले’, प्रिज्मा खतिवडा, पृन्सी खतिवडा र प्रदिप लिम्बूको अभिनय रहेको छ। पछिल्लो समयमा प्रेम सम्बन्धका कारण चर्चामा रहेको सागर र प्रिज्माले म्युजिक भिडियोमा बाजा बजाएका हुन्।विवाहको माहोलमा छायांकन गरिएको यो गीतमा सबै कलाकारको रमाइलो नृत्य पनि हेर्न सकिन्छ। अर्जुन तिवारीले खिचेको भिडियोलाई दिपक बिस्टले सम्पादन गरेका हुन्।
