लकडाउनको बेलामा विपन्न तथा आर्थिक स्थिति कमजोर रहेका चलचित्र प्राविधिकहरूलाई आफैंले भेटेर पाँच लाख बराबरको राहत सामाग्री हस्तान्तरण गर्नुका साथै विभिन्न सामाजिक कामलाई निरन्तरता दिइरहेका पल शाह लकडाउन खुकुलो भएसँगै काममा फर्किएका हुन् । पल चलचित्रको नभएर म्युजिक भिडियोको छायांकनमा फर्किएका हुन् । सरोज वली र मेलिना राइको स्वर रहेको ‘ए है माया’ बोलको गीतको छायांकन सुरु गरिएको छ । विक्रम सुवाँरको निर्देशनमा तयार हुने भिडियोमा पलका साथ रियाशा दाहाल, सागर लम्साल, सुदिर श्रेष्ठलगायतको अभिनय रहेको छ । सात जनाको समूहमा रहेर छायांकन सुरु गरेको टिमले जानकारी दिएको छ ।