तीज गीतको शैलीमा बद्लिदो समयसँगै पनि विविधता देखिन थालिएको छ । हरितालिका तीज आउन अझै महिना दिन बाँकी छ । यसैक्रममा महिलाहरुको स्वतन्त्रताको अभिव्यक्ति समेटिएको फरक शैलीको ‘अबको तीज नो ब्रत प्लिज’ तीज गीत आइतबार सार्वजनिक भएको छ । सोफिया थापाको स्वर रहेको तीज गीतमा संगीत र शब्द पनि उनैको हो । गोविन्द माधुर आचार्यले गीतको संगीत संयोजन गरेका छन्। गायिका सोफिया थापा भन्छिन् ,”हाम्रो परम्परागत सोच,संस्कारलाई समय अनुकुल रुपान्तरण गर्दै लैजान सक्नु पर्छ। परम्परागत तथा वर्तमान अवस्था मा पनि धेरै महिलाहरु आफ्नो श्रीमान को दिर्घायु को लागि पानी पनि नपिकन ब्रत बस्ने संस्कार्, स्वास्थ्य तथा समानता दुबै हिसाब ले गलत छ । यही संस्कारलाई मैले ‘अब को तीज नो ब्रत प्लिज’ भनेको हुँ ।”

गीतको म्युजिक भिडियोलाई मनिष पन्थले निर्देशन गरेका हुन् । छायांकन, सम्पादन पनि उनैको हो । लोकेन्द्र शाहले कोरियोग्राफी गरेका छन् । भिडियोमा सोफियाको साथमा मेनुका थापा, पूजा गहतराज, अनिशा गौतम, बबिता धिताल, प्रियंका थापा, श्रद्धा थापा, रजनी केसी, अग्रिम पण्डित आदिले नृत्य गरेका छन् । भिडियो हेर्नुहोस् :
https://www.youtube.com/watch?v=Hh-iGXzC8No&feature=emb_logo