निर्देशक तथा कलाकार आकाश अधिकारीले नयाँ चलचित्र निर्माणको घोषणा गरेका छन् । दि स्काई मुभिजको ब्यानरमा निर्माण हुन लागेको यो चलचित्रलाई सस्पेन्स थ्रिलर कथामा निर्माण गर्ने आकाशले जानकारी दिए । नाम फाइनल नभएको चलचित्रमा नायक सौगत मल्लको साथमा रविन्द्र झा, शिव श्रेष्ठ, सुनिल कटुवाल लगायतका कलाकारको अभिनय रहेनछ । चलचित्रका लागि नायिका पक्का गरिएको छैन ।
आकाशको कथा तथा निर्देशन रहने यो चलचित्रमा नव विजय प्रकाश श्रेष्ठ, विजय उप्रेती, सजल लोप्चनको पटकथा तथा संवाद, नवराज कृष्ण थापाको छायांकन, भुपेन्द्र अधिकारीको सम्पादन, राजनराज सिवाकोटी र शिखर सन्तोष्को संगीत रहनेछ । अधिकारीले चलचित्रको छायांकन तिहार सकिए लगत्तै गरिने बताएका छन् । चलचित्रमा निर्देशक आकाश अधिकारीले पनि अभिनय गर्नेछन् ।
