लकडाउन हटेपछि थुप्रै चलचित्रको घोषणा भइसकेका छन् । यसै बीच ‘लप्पन छप्पन’ निर्देशक मुकुन्द भट्टले नयाँ चलचित्र निर्माण गर्ने भएका छन् । एक्सन जनराको अनटाइटल प्रोजेक्टमा अभिनेता पुष्प खड्का फाइनल पनि भइसकेका छन् । अभिनेता खड्का पहिलो पटक पूर्ण एक्सन अवतारमा प्रस्तुत हुन लागेका हुन् ।
आउँदो चैतबाट फ्लोरमा जाने चलचित्रको स्क्रिप्ट निर्देशक भट्ट र टिम योगी मिलेर तयार गरिरहेका छन् । केहि समय अगाडी पुष्पले निर्देशक दीपक ओलीको चलचित्र ‘कृष्ण लीला’ साइन गरेका थिए । चलचित्रमा उनी अभिनेत्री दीपिका प्रशाईसँग जोडी बाँध्दैछन् ।
