अभिनेता जीवन लुइँटेलले आफ्नो पहिलो कविता संग्रह बजारमा ल्याएका छन् । सोमबार काठमाडौँको नक्सालमा जीवन लुइँटेलले रचेका कविता संग्रह ‘नायक’को कवि वैरागी काईंला, कृष्णहरि बराल, नायक राजेश हमाल, नायिका करिष्मा मानन्धर, सुवास ढकाल आदिले विमोचन गरे ।
जीवनले बेला बेलामा विभिन्न कार्यक्रममा कविता भन्ने गर्दथे र त्यसैबाट उनले कवि नायकको उपनाम समेत पाएका छन् । जीवनको यस कविताको पाटो लाई उपस्थितले सफलताको शुभकामना दिएका थिए । जीवनले लेखेका कवितामा व्याकारण दुरुस्त भएको कार्यक्रममा बोल्दै कृष्ण हरि बरालले बताए ।
विद्यार्थी जीवन देखिनै जीवन कविता लेख्ने गर्दथे र त्यसैलाई समायोजन गरि कविता संग्रहको रुपमा प्रकाशन गरिएको हो । पैरवी बुक्स हाउसले बजारमा ल्याएको यस पुस्तकमा लगभग दुइ दर्जन कविता संग्रहित छ ।
