कोरीबाटी,काठमाडौँ
निर्देशक हेमराज विसी निर्देशित चलचित्र ‘घामड शेरे’को पहिलो गीत सार्वजनिक भएको छ । ‘साली मन पर्यो’ रोमान्टिक डान्सिङ नम्बरमा निश्चल बस्नेत र स्वस्तिमा खड्का फिचर्ड छन् ।
कालीप्रसाद बाँस्कोटाको शब्द, संगीत रहेको गीतमा प्रदीप लामा(द नेक्स्ट)को कोरियोग्राफी छ भने गीतमा संगीतकार कालीप्रसाद र अश्मिता अधिकारीको स्वर छ । यादव लामसालले शब्द रचना गरेको गीतमा अर्जुन पोखरेल संगीत र एरेन्ज रहेको छ।
रियल कपल निश्चल र स्वस्तिमलाई म्युजिक भिडियोमा निकै रुचाइएको थियो। दर्शकले उनीहरुलाई रास्ट्रीय दाइ भाउजुको ट्याग दिएका छन्। निश्चल चलचित्रको शीर्ष भूमिकामा छन् भने स्वस्तिमाले उनको श्रीमतीको भूमिका निभाएकी छिन् । निश्चल र स्वस्तिमाका अलावा चलचित्रमा सुष्मा निरौला र लोकेन्द्र लेखकको पनि अभिनय रहेको छ ।
निर्देशक विसीको होम प्रोडक्सन कम्पनी विसी मोसन पिक्चरको ब्यानरमा चलचित्र निर्माण भएको हो साथसाथै चलचित्रको कथा, पटकथा र लगानी पनि उनकै रहेको छ । नरेन्द्र विक्रम बुढा क्षेत्री कार्यकारी निर्माता रहेको फिल्ममा नरेन्द्र मैनालीको डिओपी, सुरेन्द्र पौडेलको सम्पादन, कालीप्रसाद बाँस्कोटाको संगीत, प्रदीप लामाको कोरियोग्राफ, राजेन्द्र मोक्तानको कलर रहेको छ ।
चलचित्र तिहारको अवसर पारेर कार्तिक ८ मा रिलिज हुँदैछ ।
