चलचित्र ‘चुरिफुरी’ को ट्रेलर सार्वजनिक भएको छ । शुक्रवार सार्वजनिक गरिएको ट्रेलर २ मिनेट ४४ सेकेण्डको ट्रेलरमा ठगिएकाहरुको कथालाई कमेडी शैलीमा प्रस्तुत गरिएको छ ।
ऋषिराज आचार्यको लेखन, निर्माण र निर्देशन रहेको चलचित्र आउँदो पुष ९ गतेबाट प्रदर्शन हुने छ । सामाजिक हास्य जनरामा निर्मित यस चलचित्रबाट अभिषेक श्रेष्ठ, पूजा पन्त, सोना बज्राचार्य, रिन्जिन गुरुङ र राजीवजंग बस्नेतले डेब्यू गर्दैछन् । चलचित्रमा रविन्द्र झा, दीपक आचार्य,सुवोध गौतम,पवन खतिवडा, सुरविर पण्डित, शिशिर भण्डारी लगायतका कलाकारको पनि मुख्य भूमिका छ ।
आरवी मुभिजको प्रस्तुतिमा तयार भैरहेको चलचित्रमा निर्देशक आचार्य र रिना ढकालको लगानी छ । राहुल राइको छायांकन रहेको चलचित्रमा भिमफेदी गाइजको कोरियोग्राफी, बिजय आचार्यको कला निर्देशन र दीपक शर्माको संगीत छ ।
ट्रेलर हेर्नुहोस् :-
