चलचित्र ‘घुइँचो’बाट मोडल कुन्साङ बोम्जनले डेब्यू गर्न लागेका छन् । ‘छ माया छपक्कै’ का निर्देशक दीपेन्द्र लामाको निर्देशनमा निर्माण हुने चलचित्रबाट कुन्साङले नायकको रुपमा डेब्यू गर्नेछन् । उनले एक दर्जन बढी म्यूजिक भिडियोमा भने अभिनय गरिसकेका छन् ।
चलचित्रमा नव-नायक कुन्साङको जोडी अभिनेत्री एलिजा गौतमसंग बाँधिएको छ ।
कुन्साङ म्युजिक भिडियो तथा चलचित्रमा करिअर बनाउने सोचका साथ अगाडि बढिरहेका छन् । कुन्साङले ‘केवल तिमी भित्रै, मुटुभरी, तिम्रै नाम, आकाश राम्रो, धेरै माया नदेउ’ बोलको गीतमा अभिनय गरिसकेका छन् ।
आरजे म्यूजिक एन्ड फिल्मस्को ब्यानरमा निर्माण हुने चलचित्रका निर्माता रामजी दैलेखी हुन् । आउँदो माघबाट छायांकनमा निस्कने चलचित्रका लागि अन्य कलाकारको भने टुंगो लागिसकेको छैन । निर्माता दैलेखीले केही दिनमा बाँकी कलाकार छनोट गरेर छायांकनमा निस्कनुभन्दा अगाडि वर्कसप हुने बताइएको छ ।
