‘चपली हाइट २’ बाट अभिनेत्रीको रुपमा डेब्यू गरेकी परामिता आरएल राणाले आफूले पारिश्रमिक नपाएको गुनासो सामाजिक सञ्जाल मार्फत व्यक्त गरेकी छन् । उनले सोमवार इन्स्टाग्राममा अभिनय र मोडलिङमा ढिला गरी पाउने पारिश्रमिकबाट आफू दिक्क भएको उल्लेख गरेकी छन् । उनले लेखेकी छन्, ‘आफ्नो मेहनतको कमाईका लागि भिख माग्नु पर्छ । मैले अहिलेसम्म गरेका मोडलिङ र अभिनयमा ढिला गरी पारिश्रमिक पाएको छु ।’
उनले अबदेखि समयमा भुक्तानी नगर्ने व्यक्तिको नाम सार्वजनिक गर्ने चेतावनी समेत दिएकी छन् । उनी अगाडि लेख्छिन्, ‘नाम सार्वजनिक गर्नु दुःखको कुरा हो तर अब यही एउटा विकल्प छ । जो व्यक्ति नेपालमा मोडलिङ र अभिनय गर्न चाहन्छन्, कृपया यसका लागि मानसिक रुपमा तयार हुनुहोला । एक पटक मलाई एक फिल्मको पूरा पारिश्रमिक पाउन एक वर्ष लागेको थियो ।’
