चलचित्र ‘हामी तीन भाई’ को गीत रेकर्ड गर्न सुरु गरिएको छ । सुलभमणि सापकोटाको शब्द र साप शक्तिको संगीत रहेको ‘झम्के फुली’ बोलको गीतमा गायिका अस्मिता अधिकारी र शक्ति स्वयंले स्वर भरेका छन् । पारिवारिक प्रेमकथामा आधारित रहने यो चलचित्र गत वर्ष कोरोना महामारीको समयमा नै घोषणा गरिएको थियो ।
मधुसुदन भट्टराईको निर्देशनमा बन्न लागेको चलचित्रमा सलोन बस्नेत, जाहन्वी बस्नेत, शिशिर राणा, विकाश चापागाई, दिक्षा पाण्डे, दीपक मगर, भुवन काफ्ले, नरेन केसी र टेकेन्द्र न्यौपाने लगायतका कलाकारको अभिनय रहनेछ । विक्रम तामाङ कार्यकारी निर्माता रहेको चलचित्रमा हिमाल केसीको द्वन्द्व, कमल राईको कोरियोग्राफी, शिव ढकालको छायांकन, सुलभ मणि सापकोटा गीत रचना, मनिष गौतम र रिवाज दाहालको लेखन रहेको छ ।
करीब १७ वर्ष अगाडि प्रदर्शनमा आएको चलचित्र ‘हामी तीन भाई’ को नाममा फेरी चलचित्र निर्माण हुन लागेको हो । उक्त चलचित्रमा राजेश हमाल, स्वं. श्रीकृष्ण श्रेष्ठ, निखिल उप्रेती, झरना थापा, रेखा थापा, नन्दिता केसीको जीवन्त अभिनय थियो ।
