बहुप्रतिक्षित चलचित्र ‘आरआरआर’को नयाँ प्रदर्शन मिति घोषणा गरिएको छ । निर्माणपक्षले शुक्रबार चलचित्रको दुईवटा प्रदर्शन मिति तय गरेको छ । चलचित्रका लागि एक मात्र नभइ दुईवटा प्रदर्शन मिति तय गरिएको छ । पहिलो पटक कुनै चलचित्रको दुईवटा रिलिज डेट घोषणा भएको हो ।
चलचित्र अन्ततः मार्च १८ मा ठूला पर्दामा रिलिज हुने छ। यद्यपि, कोभिडको कारणले चलचित्रको रिलिज रोकिएमा चलचित्रको वैकल्पिक रिलिज मिति अप्रिल २८ हुने उनीहरुले बताए । विज्ञप्तिमा भनिएको छ, “यदि देशमा महामारीको अवस्था राम्रो भयो र सबै थिएटरहरू पूर्ण क्षमतामा सञ्चालन गर्न खुला भएमा, हामी चलचित्र १८ मार्च २०२२ मा रिलिज गर्न तयार छौं। अन्यथा, चलचित्र २८ अप्रिल २०२२ मा रिलिज हुनेछ।” ‘बाहुबली’ फेम्ड निर्देशक एसएस राजामौली निर्देशित यो चलचित्र गत जनवरी ७ मा कोरोना महामारीका कारण रिलिज हुन सकेन ।
यो चलचित्रमा रामचरण, जुनियर एनटीआर, अजय देवगण, आलिया भट्ट लगायतका कलाकारको अभिनय छ ।
