गायिका सुबानी मोक्तानको नयाँ गीत सार्वजनिक भएको छ । ‘समय’ बोलको गीतमा सुबानीकै शब्द, संगीत र स्वर रहेको छ । गीतलाई रिकेश गुरुङले एरेन्ज गरेका हुन् ।
प्रेम विछोडको भाव समेटिएको गीतको भिडियोमा गायिका सुबानीको पनि अभिनय रहेको छ । सुबानीसँगै गीतमा पुष्प खड्का मुख्य भूमिकामा छन् , त्यस्तै प्रियाना आचार्य र धुव्र बुढाथोकीको समेत अभिनय छ ।
‘सुबानी मोक्तान’ युट्युब च्यानलबाट सार्वजनिक गरिएको भिडियो निकेश खड्काले निर्देशन गरेका हुन् । गीतको भिडियोलाई अमृत सुनुवारले छायांकन र हिमाल जोशीले सम्पादन गरेका हुन् । सुबानी ‘नेपाल आइडल सिजन ४’को निर्णायक समेत हुन् ।
