चलचित्रको छायाङ्कन सकेर फुर्सदको समयमा रहेकी नायिका वर्षा सिवाकोटी यतिखेर अमेरिकामा छिन् । उनी यति बेला अमेरिकामा रहेका प्रेमी सविनजंग थापाको साथमा अमेरिकामा घुमफिर गर्दै छुट्टि मनाइरहेकी छिन् ।
सविनले आफ्नो फेसबुक स्टोरीमा वर्षासँगको केही प्रेमिल तस्विर साझेदारी गरेका छन् । जसमा वर्षालाई प्रेमीसँग खुसी मुद्रामा देख्न सकिन्छ । तस्विरमा सविनले वर्षाको नाम लेखेर लभको इमोजी राखेका छन् । यसबाट पनि उनीहरु एकअर्काको प्रेममा चुर्लुम्म डुबेको स्पष्ट हुन्छ । यद्यपि, प्रेम सम्बन्धको विषयमा अहिलेसम्म वर्षाले भने मुख खोलेकी छैनन् ।
स्रोतका अनुसार, सविन र वर्षाले आउँदो वर्ष लगानगाँठो कस्नेछन् । केही हप्ता अगाडि एक अन्तर्वार्तामा वर्षाकी आमाले आउँदो वर्षभित्र छोरीको बिहे हुनसक्ने संकेत गरेकी थिइन् । गएको जेठमा प्रदर्शनमा आएको फिल्म ‘वीर विक्रम २’ रिलिजताका वर्षाको नाम निर्देशक मिलन चाम्ससँग जोडिएको थियो । तर, यसलाई दुबैले खण्डन गरेका थिए ।
चलचित्र ‘नाईं नभन्नू ल २’बाट नेपाली रजतपटमा अभिनय यात्रा सुरु गरेकी वर्षाको चलचित्र करिअर खासै सुखद नरहेपनि अभिनय र सुन्दतरताले दर्शकको मन जित्न सफल छिन् ।
वर्षा हालसालै फिल्म ‘लक्का जवान’को छायांकन सकेर अमेरिका उँडेकी हुन् ।
