गायक ईश्वर मगियाले आफ्नो पन्ध्रौ एल्बमको नयाँ गीत लिएर दर्शक–स्रोतामाझ आएका छन्। “औंठी त दियौ तिमीले” बोलको गीतमा ईश्वरको साथमा गायिका समिक्षा अधिकारीले स्वर रहेको छ ।
उक्त गीतमा दिपक शर्माको शब्द तथा संगीत रहेको छ।
गीतको म्युजिक भिडियोमा प्रनिमा दाहाल,सुयोग तामाङ,प्रेम लामा र रचना गौतमको अभिनय रहेको छ। गीतको म्युजिक भिडियो नव ढुंगेलले निर्देशन गरेका छन्। डान्स मुड रहेको भिडियोलाई सन्दिप भुजेलले कोरियोग्राफ गरेका हुन् ।
उनको चाहना, एक्लो जीवन, सफलता, तिमी,फिलिङ्स लगायतका एकल एल्बम प्रकाशन भइसकेका छन्। काठमाडौं म्युजिक स्कुलकाको संयोजक रहेका ईश्वर विभिन्न विद्यालयमा संगीत प्रशिक्षण दिँदै आएका छन्।
