अभिनेता सौगात मल्ल र अभिनेत्री बेनिशा हमालले दोस्रो पटक चलचित्रमा एकसाथ काम गर्ने भएका छन् । चलचित्र ‘सिटामोल’मा उनीहरुले एकसाथ काम गर्न लागेका हुन् । सौगात र बेनिशाले पहिलो पटक चलचित्र ‘झ्यानाकुटी’मा एकसाथ काम गरेका थिए । चलचित्रमा उनीहरुको केमेस्ट्रीलाई दर्शकहरुले रुचाएका थिए ।
‘वृन्दावन’, ‘वीरंगना’, ‘डोली’, ‘गुड फ्रेन्ड’ जस्ता चलचित्रको निर्देशन गरिसकेका राजबहादुर सानेको निर्देशन बन्ने चलचित्रको कथा पनि उनको नै हो । त्यस्तै, चलचित्रको पटकथा भने प्रदीप भारद्वाजले तयार पारेका छन् । चलचित्रको छायांकन जेठ अन्तिमबाट सुरु गर्ने निर्माण टिमको तयारी रहेको छ ।
