चलचित्र ‘गणपति’ को फष्टलुक सार्वजनिक भएको छ । चलचित्रको एक पोष्टर फष्ट लुकको रुपमा बाहिर ल्याएको हो जसमा नायक मुकुन भुषाल फिचर्ड छन्। फष्टलुक पोस्टरमा मानिस र गणेशलाई सांकेतिक रुपमा आधा–आधा राखिएको छ । चलचित्रले भगवान र मानिसविचको फरक देखाउने बताइएको छ ।
सविन अधिकारीको निर्देशन रहेको चलचित्रमा मुकुन भुषाल, नायिका मेनुका प्रधानको साथमा कलाकार सूर्यमाला खनाल, जयनन्द लामा, राजाराम पौडेल, पुष्कर गुरुङ लगायतको अभिनय छ । चलचित्रको कथा, पटकथा तथा संवाद निर्देशक अधिकारीले नै लेखेका हुन् । लक्ष्मण थापा, विज्ञान केसी, अरविन्द्र गिरीको लगानीमा बनेको चलचित्रमा हरिबहादुर घलेको छायांकन, विक्रम स्वारको कोरियोग्राफी छ । चलचित्रको सम्पूर्ण छायांकन तनहुँको बन्दिपुर गाउँपालिका थारुबासमा गरिएको छ ।
