गत पुष १५गते प्रदर्शन भएको प्रेम कथानक चलचित्र ‘डिसेम्बर फल्स’को सिक्वेल निर्माण हुने भएको छ । अभिनेत्री उपासना सिंह ठकुरी फिचर एक पोस्टर सार्वजनिक गर्दै निर्माण टिमले ‘डिसेम्बर फल्स २’को औपचारिक रुपमा निर्माण घोषणा गरेको छ।
हुन त फिल्मलाई सिक्वेलको रुपमा अगाडि बढाउने गरी नै टुंग्याइएको थियो । अघिल्लो पार्टमा पनि उनको मुख्य भूमिका थियो । सिक्वेलमा उनीसँगै अभिनेता आर्यन सिग्देलको पनि अभिनय रहनेछ । निर्देशक भने परिवर्तन भएका छन् । अघिल्लो पार्टलाई नेपाली मुलका भारतीय निर्देशक प्रविण झाले निर्देशन गरेकोमा अब लक्ष्मण रिजालले क्याप्टेनसिप सम्हाल्नेछन् ।
