आगामी फागुन १९ गते प्रदर्शनको तयारीमा रहेको प्रतिक्षित चलचित्र ‘छक्कापञ्जा ४’ नेपालसहित विश्वका विभिन्न मुलुकहरुमा एकसाथ प्रदर्शन हुने भएको छ । निर्माण टिमले बुधबार नयाँ पोस्टर सार्वजनिक गर्दै अन्तर्राष्ट्रिय प्रदर्शनबारे जानकारी गराएका हुन् । चलचित्र अमेरिका, जापान, बेलायत, युरोप, युके, गल्फ लगायतका धेरै मुलुकहरुमा प्रदर्शन हुँदै छ ।
हेमराज बीसी निर्देशित चलचित्रमा दीपक राज गिरि, दीपाश्री निरौला, केदार घिमिरे, राज आचार्य, मलिना जोशी, बेनिशा हमाललगायतको अभिनय छ । सामाजिक र राजनीतिक कथावस्तुमा बनेको चलचित्र आमा सरस्वती मुभिज र आईएमईको ब्यानरमा निर्माण भएको हो ।
