आगामी भदौ ७ गतेदेखि प्रदर्शनमा आउन लागेको चलचित्र‘सतीदेवी’को ट्रेलर सार्वजनिक गरिएको छ । काठमाडौंमा आयोजित कार्यक्रमबीच सार्वजनिक गरिएको ट्रेलरमा पितृसत्तात्मक सोचका कारण समाजमा महिलाले भोग्नुपरेको पीडालाई देखाइएको छ।छोरा पाउने आशमा छोरी जम्माइरहने र छोरा नहुँदा परिवार र समाजले गर्ने तुच्छ व्यवहारलाई पनि ट्रेलरले व्यङ्ग्य गर्छ। अभिनेत्री मलिका महतले चलचित्रमा सतीदेवीको भूमिकामा छिन्।
अभिनेत्री मलिका महतलाई यो चलचित्रले समाजलाई ऐना देखाएको छ भन्ने लाग्छ । यो चलचित्रमा मलिकाले गाउँले चरित्रमा देख्न सकिन्छ।
निर्देशक लक्ष्मण सुवेदीको लेखन, निर्माण र निर्देशनमा बनेको फिल्मको शीर्ष भूमिकामा मलिका महत छिन् । उनको साथमा चलचित्रमा दुई बालकलाकार हर्षिका वली र मञ्जिला बानियाँ, कुलबहादुर अधिकारी, सिर्जना अधिकारी, रमेश बुढाथोकी, भोलाराज सापकोटा, सन्दीपबाबु लोहनी, सुजिता शिवाकोटी, सन्देश लिम्बू, मनीषा सापकोटा लगायतको अभिनय छ ।
