लक्ष्मण सुवेदीको निर्देशनमा बनेको चलचित्र ‘सतीदेवी’ को गीत सार्वजनिक गरिएको छ। ‘माया बसेको रैछ’ बोलको गीतमा चलचित्रको मुख्य अभिनेत्री मलिका महत र नव-अभिनेता सन्दीप बाबु लोहानीबीचको प्रेमलाई दर्शाइएको छ । गीतमा गायन प्रताप दास र दीपा लामाको छ भने लक्ष्मण सुवेदीको शब्द रचना, दीपक शर्माको संगीत छ ।
श्रीदेवी सुवेदी र विशाल सुवेदी निर्माता रहेको चलचित्रको कथा पनि निर्देशक सुवेदीले नै लेखेका हुन्। चलचित्रमा मलिकासहित हर्षिका वली, मञ्जिला बानियाँ (बाल कलाकार), सन्दीपबाबु लोहनी, रमेश बुढाथोकी, कुलबहादुर अधिकारी, भोलाराज सापकोटा लगायत कलाकारको अभिनय छ।
महिला सशक्तीकरणको सन्देश दिने सामाजिक कथावस्तुको यो चलचित्र भाद्र ७ गते रिलिज हुने छ। चलचित्रलाई रिच इन्टरटेन्मेन्ट र एफडी कम्पनीले वितरण गर्दैछ।
