नेपाली चलचित्र ‘देवी’को फर्स्टलुक पोस्टरहरु सार्वजनिक भएका छन् । कोरोना भाइरसको कारण चलचित्रको रिलिज अनिश्चित भएपनि निर्माण टिमले प्रचारका लागि चलचित्रका केही क्यारेक्टर पोस्टरहरू सार्वजनिक गरेका हुन् ।सार्वजनिक गरिएको चलचित्रको क्यारेक्टर पोस्टरमा चलचित्रका मुख्य कलाकारहरू अभिनेता नाजिर हुसेन, गौरव पहाडी, अभिनेत्री शिल्पा मास्के देखिएका छन् ।

चलचित्रलाई संजोग राईले निर्देशन गरेका हुन् ।निर्देशक राई तथा अजय गौतमको लेखन रहेको चलचित्रमा सुयोग सोताङ्गको संगीत रहेको छ । चलचित्रलाई संजगका साथ रोमन गुरुङ र नारायण गुरुङले मिलेर निर्माण गरेका हुन् ।जायल फ्रुमको छायाँकन रहेको चलचित्रलाई अनुप सापकोटाले सम्पादन गरेका छन् । चलचित्रको छायांकन सकिएको छ । चलचित्रको विषयमा थप जानकारी भने दिइएको छैन ।