कलाकार तथा निर्देशक दीपाश्री निरौला पुर्वान्चल इन्स्टिच्युट अफ फिल्म एन्ड टेलिभिजन ‘पिफ्ट’ को अध्यक्षमा नियुक्त भएकी छिन्। असोज ४ गते आयोजना गरिएको इटहरीस्थित इन्स्टिच्युटको सभा हलमा आयोजना गरिएको कार्यक्रममा दीपाश्रीलाई अध्यक्षमा नियुक्त गरिएको हो।
कार्यक्रममा चलचित्र विकास बोर्डका पूर्व अध्यक्ष राजकुमार राईलाई इन्स्टिच्युटको संरक्षकको रूपमा राखिएको बताईएको छ। कार्यक्रममा वरिष्ठ सल्लाहकारको रूपमा निर्देशक तथा फिल्मकर्मी महासंघ प्रदेश १ का अध्यक्ष अरुण कुमार प्रधानलाई चयन गरिएको हो। त्यस्तै महासंघ महासचिव तथा अभिनेता दिनेश कोइराला र महासंघ उपाध्यक्ष प्रकाश सुब्बालाई पनि सल्लाहकार समितिमा चयन गरिएको छ ।
कार्यक्रममा आफ्नै ठाउँमा यसरी अध्यक्ष जस्तो पदमा बस्न पाउँदा आफूलाई खुसी लागेको निरौलाले बताइन् । त्यस्तै कार्यक्रमको प्रमुख अतिथिको रूपमा रहेका फिल्म निर्माता तथा अभिनेता दीपक राज गिरिले पनि कलेज तथा दिपालाई बधाई दिएका छन् ।
हाल ईन्स्टिच्युटले विभिन्न लघु चलचित्रहरू निर्माण गरिरहेको छ। जसले गर्दा त्यहाँ पढ्ने विद्यार्थीहरूले अवसरको अनुभव र आफ्नो कलालाई पोख्ने मौका पाई रहेका छन् । त्यसैगरि नृत्यको कक्षा,निर्देशन, स्क्रिप्ट लेखन, सिनेमाटोग्राफी, अभिनय,सम्पादन पनि ईन्स्टिच्युटले सिकाइरहेको छ।
