टाइगर श्राफ, नवाजुद्दिन सिद्दिकी र तारा सुतरिया स्टारर बलिउड फिल्म ‘हिरोपन्ती २’को ट्रेलर बिहीबार रिलिज गरिएको छ । चलचित्रको ट्रेलरमा रोमान्स, एक्सन, कमेडी र सस्पेन्स समावेश गरिएको छ। ट्रेलरमा नवाजुद्दिन लैला नामक खलपात्रको भूमिकामा देखिएका छन् । बहुप्रतिक्षित चलचित्र मध्येको एक ‘हिरोपन्ती २’ ईदको शुभ अवसरमा २९ अप्रिल २०२२ मा प्रदर्शन हुने छ ।
हिरोपन्तीको इनाया उर्फ तारा सुतारियालाई दर्शकहरूलाई पुन: परिचय दिँदै, निर्माताहरूले चलचित्रको नयाँ पोस्टर पनि सार्वजनिक गरेका छन् जसमा तारा सुन्दर र सेक्सी देखिन्छिन्। रजत अरोराद्वारा लिखित र एआर रहमानको संगीत रहेको साजिद नाडियाडवालाको ‘हिरोपन्ती २’ लाई अहमद खानले निर्देशन गरेका हुन्, जसले टाइगरको पछिल्लो रिलिज ‘बाघी ३’ पनि निर्देशन गरेका थिए।
