आज पनि दर्शक-श्रोताको मनमुटुमा बस्न सफल २५ वर्षअघि बजारमा आएको हिट गीत हो, गायक धिरज राईको ‘लुकी लुकी आँखा तिमी’। गायक राईले उक्त गीतको नयाँ भिडियो सार्वजनिक गरेका छन् । मंगलबार युट्युबमा सार्वजनिक गरिएको गीतमा धीरजकै शब्द तथा संगीत छ भने रविन दर्शनधारीले एरेन्ज गरेका छन् ।
ट्री इन्टरटेनमेन्टले नयाँ स्वरुपमा निर्माण गरेको भिडियोमा अभिनेत्री आँचल शर्मा, अभिनेता डेल्विस र राजले अभिनय गरेका छन्। नयाँ भिडियोसहित सार्वजनिक भएको गीतको निर्माण दिनेश दर्शनधारी र यशोधा राईले गरेका छन्। भिडियोको निर्देशन माइकल चन्दले गरेका छन् भने कोरियोग्राफी ‘माइकल स्टेप अप एण्ड आर्टस् एकेडेमी’को रहेको छ।
