चलचित्र ‘झिंगे दाउ’को प्रदर्शन मिति घोषणा गरिएको छ । अभिनेत्रीद्वय केकी अधिकारी र आँचल शर्मा र ‘बुलबुल’ फेम्ड अभिनेता मुकुन भुसालको मुख्य भूमिका रहेको चलचित्र भदौ ३१ गते प्रदर्शन हुने भएको छ ।
ज्ञानेन्द्र देउजा निर्देशित चलचित्र सामाजिक विषयवस्तुमा निर्माण भएको हो । निर्देशक देउजाले सामाजिक संजालमा एक पोष्टर शेयर गर्दै प्रदर्शन मिति सार्वजनिक गरेका हुन् । चलचित्रको पोस्टरमा केकी, आँचल र मुकुन फिचर्ड छन् ।
प्रदीप भारद्वाजको पटकथा तथा संवाद रहेको चलचित्रमा अर्जुन पोखरेलको संगीत छ । ‘कपनगडी सिनेमा’ र फिल्म क्रियु नेपालको ब्यानरमा निर्माण भएको चलचित्र कथाकार भिमनिधि तिवारीको कथा ‘झिंगे दाउ‘ मा आधारित रहेको छ । सुलभ, समीक्षा र सुशील निर्माता रहेका चलचित्रमा विष्णु घिमिरेको छायांकन, मित्र डि गुरुङको सम्पादन छ ।
