गायक सुनिल गिरीले ‘झम्के साँझ’ बोलको नयाँ गीत ल्याएका छन् । गायक गिरीकै शब्द, संगीत, स्वर र संगीत संयोजन रहेको गीतमा गायिका सुनिता तिमल्सिनाले उनलाई साथ दिएकी छिन्। म्युजिक भिडियोमा अभिनेता पल शाह र प्रकृती श्रेष्ठको अभिनय रहेको छ।
भिडियोमा रोदी घरमा हुने ‘झम्के साँझ’मा आफ्नी मायालुलाई ढिला आएको आरोप लगाउँदै ठट्टा गरिएको रमाइलो किस्सालाई निर्देशक दिपेन्द्र तिमल्सिनाले कलात्मक शैलीमा तयार पारेका छन् । भिडियोमा अर्जुन तिवारीको छायांकन, मनोज कार्कीको सम्पादन र कलर रहेको भिडियो गायक गिरीकै अफिसियल युट्युव च्यानलबाट सार्वजनिक भएको हो । गीतको भिडियो निकै रमाइलो बनेको छ।
