नेपाल पत्रकार महासंघले आफ्नो ६७औं स्थापना दिवसको अवसरमा आयोजना गरेको ‘मिडिया कप फुटसल’ प्रतियोगितामा चलचित्र पत्रकार संघले विजयी सुरुवात गरेको छ। सोमबार बिहान नेस्नल स्पोर्टस् सेन्टर च्यासलमा भएको खेलमा चलचित्र पत्रकार संघले नेपाल टेलिभिजनलाई ७-२ गोल अन्तरले पराजित गरेको हो । बलियो मानिएको टिम नेपाल टेलिभिजनलाई पहिलो हाफमा ३ गोल गरेको थियो भने दोस्रो हाफमा ४ गोल थप्यो भने जवाफमा नेपाल टेलिभिजनले २ गोल फिर्ता गर्यो।
क्वाटरफाइनल खेलमा अब चलचित्र पत्रकार संघ र नेपाल पत्रकार महासंघ भिड्दै छन् । क्वाटरफाइनलको खेल आजै दिउँसो ४ बजे हुनेछ । पत्रकारबीच निरन्तर समन्वय, सहकार्य र भाइचाराको वातावरण तयार गर्ने उद्देश्यले महासंघले फुटसल प्रतियोगिताको आयोजना गरेको हो । आज र भोलि हुने फुटसल प्रतियोगितामा १६ टिमको सहभागिता रहेको छ । यस प्रतियोगितामा सञ्चार गृह, महासंघको प्रदेश र जिल्ला शाखाको साथै एसोसियट संस्थाहरूको सहभागिता रहेको छ ।
