अभिनेत्री ऋचा शर्माको निर्माण तथा अभिनय रहेको चलचित्र ‘कौसीद’को प्रदर्शन स्थगित भएको छ । आगामी जेठ २७ (जुन १०) लाई प्रदर्शन मिति तोकिएको चलचित्रको प्रदर्शन मिति पछि सरेको हो। अब चलचित्रलाई नेपालभन्दा पहिला विदेशमा प्रदर्शन गरिने भएको छ । विदेशमा प्रदर्शन गरेपछि आगामी मंसिरमा चलचित्र नेपालमा प्रदर्शन गर्ने निर्माण टिमको तयारी छ ।
कुमार भास्करको निर्देशनमा बनेको चलचित्रमा ऋचासँगै भोलाराज सापकोटा, रुपेश दाहाल, परिक्षित विक्रम राणा, सदिक्षा गौतम, निर्भिक भट्टराई र सागर भट्टराई मुख्य भुमिकामा छन् । केदार भुसालको निर्माणमा तयार भएको यो चलचित्रको कार्यकारी निर्मातामा दिमेश श्रेष्ठ तथा सह-निर्मातामा लक्ष्मण बानियाँ रहेका छन् ।
चलचित्रको कथा लेखन नव विजय प्रकाश श्रेष्ठ र धिर्जन थपलियाले गरेका छन् । निसाल पौडेलले छायांकन गरेको चलचित्रमा मित्र डि. गुरुङ र भिम विश्वकर्माको सम्पादन रहेको छ । बड पिक्चर्सको ब्यानरमा चलचित्र ‘कौसीद’ निर्माण भएको हो । गत वर्ष २०२२ को अवसरमा निर्माण घोषणा गरिएको यो चलचित्रको कोरोना महामारीको बीच निर्माण सम्पन्न भएको थियो । आर आर फिल्मस् ले चलचित्रको वितरण अधिकार लिएको छ ।
