क्याप्टेन तथा कलाकार विजय लामाई पितृशोक परेको छ । विजयका पिता चलचित्र निर्माता एवं निर्देशक हेमबहादुर लामाको ९५ वर्षको उमेरमा आइतबार काठमाडौँमा निधन भएको छ । सामाजिक सञ्जालमा मार्फत क्याप्टेन लामाले पिताको निधनको खबर पुष्टि गर्दै लेखेका छन् , ‘बाउ तिमी बिना मलाई बस्ने बानी छैन । तिम्रो यादले निकै सताउने छ । तर, मलाई विश्वास छ, तिमी जहाँ छौं, खुशि छौ । तिम्रो खुशि नै मेरो खुशि हुनेछ ।’
आज दिउँसो ३ बजे स्वयम्भुमा बौद्ध परम्पराअनुसार उनको दाहसंस्कार गरिने भएको छ । उनको पार्थिव शरिरमा आज दिउँसो बालुवाटारस्थित घरमा पुगेर कलाकार र शुभेच्छुकले अन्तिम श्रद्धाञ्जली दिएका छन् ।
लामाले पहिलो पटक चलचित्र ‘आदर्श नारी’को निर्देशन गरेका थिए । २०७७ सालमा नेपाल चलचित्र निर्देशक समाजले लामालाई लाइफ टाइम अचिभमेन्ट अवार्ड प्रदान गरेको थियो ।
