अभिनेत्री सुरक्षा पन्त विश्व चर्चित कान्स फिल्म फेस्टिभलको रेड कार्पेटमा हिँड्ने पहिलो नेपाली अभिनेत्री बनेकी छिन् । कान्स रेडकार्पेटमा रातो गाउनमा सजिएकी सुरक्षा निकै आकर्षक देखिएकी थिइन् ।
उनी अभिनित इटाली र बेल्जियमको चलचित्र ‘द एइट् माउन्टेन्स’ गएराति प्रिमियर भएको छ । मुख्य प्रतिस्पर्धा पाम दे ओरमा स्क्रिनिङ हुने यो दोस्रो चलचित्र हो । नेपाल र इटालीका हिमालयमा छायांकन गरिएको चलचित्रमा सुरक्षाको समेत मुख्य भूमिका छ ।
